1 2 3

A recreación histórica dos Royal Green Jackets e outras asociacións napoleónicas foi un éxito nas Avenidas, onde se reuniron miles de personas para presenciar unha actuación espectacular.

A recreación das sociedades napoleónicas, chegadas a Vigo desde Andalucía, Asturias, Madrid, León, A Coruña, Ourense, Pontevedra e Ferrol, foi un gran éxito o pasado sábado, 7 de marzo.

Tras un desfile pola mañá, que discurriu entre a rúa do Príncipe e as Avenidas, con cinco dragóns e húsares dacabalo, dous canóns e medio cento de unidades de infantería, pola tarde chegou o momento da recreación, que contou coa asistencia de miles de vigueses no paseo marítimo de Montero Ríos.

O estrondo dos canóns e a treboada dos fusís fixeron as delicias do público, mentres as forzas dacabalo facían demostracións de carga e asalto similares ás da época da Reconquista.

A organización dos actos do Bicentenario valora especialmente a presenza de público para o acto, que se inscribe dentro das actividades de A Reconquista na rúa, que continuará o próximo sábado, 14 de marzo, en O Calvario, e seguirán en Teis e praza da Independencia en sucesivas fins de semana.