1 2 3

Investigadores das máis prestixiosas universidades europeas farán de Vigo en marzo a capital dos estudios napoleónicos.

Vigo será durante o próximo mes de marzo a capital mundial dos estudios napoleónicos, coa presenza na cidade das máis importantes figuras internacionais na investigación desta época histórica.

O Simposio Internacional da Reconquista celebrarase no Centro Social Caixanova os días 12 e 13 de marzo de 2009, e contará con expertos de universidades como a de Sorbona, de París, ou as de Oxford, Stirling e Liverpool, do Reino Unido.

Entre outros participantes, están confirmados: Michael Broers (Universidade de Oxford); Charles Esdaile (Universidade de Liverpool); Alicia Laspra (Universidade de Oviedo); Nuno Lemos Pires (historiador portugués); Jean René Aymes (Universidade da Sorbona-París); Michael Rapport (Universidade de Stirling-Escocia); e Xosé Ramón Barreiro (Universidade de Santiago).

As conferencias, que contarán cun servicio de traducción simultánea, serán presentadas por historiadores e estudiosos vigueses, e estarán abertas ao público en xeral.