O abade de Valadares

Nacido en Bande en 1757, Juan Rosendo Arias Enríquez pasaría á historia como líder guerrilleiro contra os franceses na Reconquista de Vigo. Abade de Valadares durante máis de trinta anos, organizou a revolta viguesa xunto ao alcalde do Fragoso, Cayetano Parada y Pérez de Limia. No seu cuartel xeral, que logo sería trasladado a Lavadores, preparouse o sitio e posterior asalto á praza, mandada polo comandante Chalot.

Tras o éxito de Vigo, Juan Rosendo Arias recibiría a Cruz de Carlos III e o escudo de honra que se deu aos máis importantes protagonistas da Reconquista de Vigo.